Koronavirus ''Corona'' pivə brendinə necə təsir etdi ❓

Bu yazımda sizlərə müasir dünyanı ölümcül hala salan Covid-19 virusunun ''Corona'' brendinin imicinə necə zərbə vurduğunu nümayiş etdirəcəm.

Səbəbi isə təxmin etdiyiniz kimidir, bəli, adlarının eyni olmasına görə.
Hekayənin başlanğıcı isə ''Corona'' pivələrinin Covid-19 virusu ilə bağlı olduğu haqqında sosial media gündəmində yayılan şayiələr ilə başladı və viral olaraq bütün dünyaya yayıldı.

Belə ki, Covid-19 virusunun ən sürətlə yayıldığı dövrdə şirkət "coming ashore soon" (tezliklə sahilə çıxacayıq) başlığı altında reklam kampaniyası həyata keçirdi və postu görənlər bu gəlişi koronavirus ilə əlaqələndirdi.

''Corona'' brendinin səhmlərinin kəskin sürətdə aşağı düşməsində özünün də payı az olmadı...

Əlavə olaraq məlumat üçün qeyd edim ki, ''Corona'' şirkəti Meksikaya məxsus olduğu üçün adını Latın dilindən götürmüş, mənası tac anlamına gəlirdi.

İşin maraqlı tərəfi ondan ibarət idi ki, bu mövzu ətrafında axtarışlarımın nəticəsi olaraq, ''Corona'' şirkətinin viral olaraq yayılacaq və gündəm yaradacaq heç bir kreativ postu qarşıma çıxmadı.

Fikrimcə, şirkət bu fürsətdən istifadə edib sosial media gündəmini öz lehinə çevirə bilərdi.